Is your Aadhaar card in Pakistani hands? How to check, complain and stop its misuse know from UIDAI | सावधान! आपले आधार कार्ड पाकिस्तानी हॅकर्सच्या ताब्यात आहे का? जाणून घ्या कसं तपासायचं आणि गैरवापर कसा थांबवायचा

India vs Pakistan: भारतीयांसाठी आधार कार्ड हे एक अतिशय महत्त्वाचे कागदपत्र आहे. आधार कार्डवरचा (Aadhaar Card) 12-अंकी युनिक आयडी नंबर हा त्या त्या व्यक्तीची एक प्रकारची ओळख असते. हे कार्ड देशभरात ओळख आणि पत्त्याचा पुरावा म्हणून काम करते. पण आधार हे केवळ ओळखीचं साधन नसून बँक खाती, मोबाईल नंबर, सरकारी योजना यासारख्या अनेक महत्त्वाच्या सेवांशी जोडलेलं आहे. त्यामुळे आधारची गैरवापर झाल्यास नागरिकांच्या ओळखीचा आणि आर्थिक सुरक्षेचा मोठा प्रश्न निर्माण होऊ शकतो. सध्या सुरु असलेल्या भारत-पाकिस्तानमधील तणावाच्या पार्श्वभूमीवर (Operation Sindoor) , आधार कार्डच्या गैरवापराच्या चिंताजनक अहवालांमुळे भारतीय नागरिकांचा वैयक्तिक डेटा चुकीच्या हातात जाण्याची चिंता निर्माण झाली आहे. पाकिस्तानसारखे देशातील हॅकर्स संरक्षण क्षेत्र आणि UIDAI यासह इतर भारतीय वेबसाइट्सना सातत्याने लक्ष्य करत आहेत. चिंताजनक बाब म्हणजे जर तुमचे आधार कार्ड पाकिस्तानी किंवा इतर कोणाच्या हातात पडले तर त्याचा गैरवापर होऊ शकतो आणि त्याचा वापर हा भारताच्या विरोधातही केला जाऊ शकतो. 

भारतीय विशिष्ट ओळख प्राधिकरण (UIDAI) ने नागरिकांसाठी एक विशेष टूल उपलब्ध करून दिलं आहे. या टूलच्या माध्यमातून आपल्या आधार क्रमांकाचा इतिहास तपासता येतो आणि कुठे-कधी वापर झाला हे समजून घेता येतं.

आधारचा वापर कोण करतंय हे कसं ओळखायचं? 

1. अधिकृत myAadhaar पोर्टल वर जा.

2. आपला आधार क्रमांक आणि कॅप्चा टाका. त्यानंतर नंबरवर येणाऱ्या OTP टाकून लॉगिन करा.

3. पुढे ‘Authentication History’ या विभागात जा.

4. हवी ती तारीख निवडा आणि कोणकोणत्या सेवांमध्ये आधार कार्ड वापरलं गेलं आहे हे पाहा.

5. संशयास्पद हालचाली दिसल्यास त्वरित UIDAI शी संपर्क साधा.

गैरवापर झाला असेल तर काय करायचं? 

जर तुम्हाला तुमच्या आधार कार्डचा गैरवापर झाला आहे असा संशय असेल, तर खालील कोणत्याही माध्यमातून त्वरित तक्रार नोंदवा:

1. मोफत हेल्पलाईन: 1947

3. तक्रार नोंदणी वेबसाइट: uidai.gov.in

‘असे’ लॉक करा आधार बायोमेट्रिक

आपल्या बायोमेट्रिक डेटाचा वापर अनेक गोष्टींसाठी होऊ शकतो. त्यामुळे हा डेटा लीक होण्यापासून रोखले पहिले. यासाठी  UIDAI कडून बायोमेट्रिक लॉकची  सुविधा देण्यात आली आहे. 

1. UIDAI Lock/Unlock पेज वर जा.

2. आपला Virtual ID (VID), नाव, पिन कोड आणि कॅप्चा भरा.

3. OTP येईल तो टाका आणि बायोमेट्रिक लॉक करा.

4. आवश्यक तेव्हाच Unlock करा.

‘या’ गोष्टी लक्षात ठेवा 

1. कोणालाही गरज नसताना आधार क्रमांक किंवा OTP शेअर करू नका.

2. दर महिन्याला आधार वापराचा इतिहास तपासा.

3. mAadhaar अ‍ॅप वापरून कार्डवर नियंत्रण ठेवा.

4. अनावश्यक बायोमेट्रिक वापर टाळण्यासाठी लॉक सुविधा वापरा.